RightClick

தினமலர் தூத்துக்குடி பதிப்பில் வெளியான கழுகுமலை ஆடி அமாவசை கிரிவலம்

கழுகுமலையில் ஆடி அமாவசை கிரிவலம் 23/07/17 சுமார் ஏழு மணியளவில் கழுகுமலை கழுகாசலமூர்த்தி கோயில் மேலவாசல் நமது குருநாதர் தலைமையில் ஆடி அமாவசை கிரிவலம் துவங்கியது. தமிழகத்தின் பல்வேறு பகுதியிலிருந்து வந்த  பக்தர்கள் பைகளில் நவதானியங்களைக் கொண்டு வந்தனர்.

அவர்கள் கிரிவலம் சென்றபோது கிரிவலப்பாதையின் இருபுறமும் தானியங்களை உயிரினங்களுக்கு விதைத்தவாறும், ஓம் சிவ சிவ ஓம் மந்திரத்தை உச்சரித்தவாறும் சென்றனர். முன்னதாக மலைக்குன்றின் மேற்குப்பகுதியிலுள்ள ஆறுமுக நகரிலுள்ள மிளகாய் பழச்சித்தர் ஜீவசமாதிக்குச் சென்று தரிசனம் செய்தனர். அன்னதானம் நடந்தது. கிரிவலத்தில் தமிழகத்தின் நெல்லை, விருதுநகர், தூத்துக்குடி, சென்னை, பாண்டிச்சேரி, கரூர், ஈரோடு, கோயம்புத்தூர், சிவகங்கை, காஞ்சிபுரம் உட்பட பல்வேறு மாவட்டங்களிலிருந்து பக்தர்கள் கிரிவலம் வந்தனர்.