RightClick

கழுகுமலையில் ஈஸ்வரபட்டரின் அய்யாவின் நினைவாக எட்டாவது ஆண்டு கிரிவலம்



கழுகுமலையில் ஈஸ்வரபட்டரின் அய்யாவின் நினைவாக எட்டாவது ஆண்டு கிரிவலம்

கழுகுமலையில் கடந்த சனிக்கிழமை ஆடி மாதம் 10ம் தேதி கிரிவலம் மிகவும் சிறப்பாக நமது ஆன்மீக வழிகாட்டி உயர்திரு சகஸ்ரவடுகர் அவர்களின் அருளுடனும், ஆசியுடனும் நடைபெற்றது என்பதைத் தெரிவித்துக்கொள்கிறோம்.
 நிகழ்ச்சிகள் நிரல்;
அருளுரை         -       உயர்திரு.சகஸ்ரவடுகர் அவர்கள்,
தலைமை         –        திரு.சுப்பிரமணியன் அவர்கள்,
                           சேர்மன் (ஊராட்சிஒன்றியத்தலைவர்,கழுகுமலை.
முன்னிலை       –        திரு.தமிழானந்தம் அவர்கள் EO, கழுகுமலை.
தொடங்கிவைத்தவர்-        திருமதி.சி.தனலட்சுமி சிவமாரியப்பன் அவர்கள்,
                           ஆசிரியை, அரசுப்பள்ளி முள்ளிக்குளம்.

ஒருங்கிணைப்பு       -     ஆன்மீகஅரசு மற்றும் ஆன்மீகக்கடல் குழுமம்.

குருநாதரின் அருளைரையுடன் நிகழ்ச்சி தொடக்கமாக தேவாரம் பாடல் திரு.சிந்தாமணி சிவா அவர்களினால் பாடப்பட்டு ஆரம்பிக்கப்பட்டது. நமது அய்யா அவர்களினால் இந்த கிரிவலத்தின் நோக்கமும் தெரிவிக்கப்பட்டது. பின்னர் நிகழ்ச்சியைக் குத்துவிளக்கு ஏற்றி தொடங்கிவைத்தவர் பெருமதிப்பிற்குரிய திருமதி.தனலட்சுமிசிவமாரியப்பன் அவர்கள்.



ஈஸ்வரபட்டர் ஸ்வாமி
இந்த கிரிவலமனது கடந்த ஏழு ஆண்டாக அய்யா ஈஸ்வரபட்டர் அவர்களின் நினைவாக திருநெல்வேலி மாவட்டத்தில் உள்ள புளியங்குடியில் நடைபெற்று வந்தது., இந்த முறை நமது அய்யாவின் வழிகாட்டுதலின் படி சித்தபுருஷர்கள் அருளும், ஆசியும் அதிகமாக கொட்டி கிடக்கிற இந்த கழுகுமலையில் நடைபெற்றிருக்கிறது. அதில் ஈஸ்வரபட்டரின் பற்றிய சில குறிப்புகள் அய்யாவின் உரையில் கிடைத்த தகவல் பின்வருவனவை.
கன்னட பிரமாண குளத்தில் பிறந்தவர் ஸ்ரீ ஈஸ்வர பட்டர் ஸ்வாமி. திருமணம் செய்யமால் பல முனிவர்களை சந்தித்தித்து ஆசி பெற்று பல இடங்களில் தவமிருந்து பல அருள் நிலைகளைப் பெற்றவர். பின் கடைசி காலத்தில் போகர் இடமான பழனியம்பதிக்கு வந்து பொதுமக்களின் குறை தீர்க்க பல சித்துக்களை நிகழ்த்தியவர். கடைசியில் பழனி இடும்பன் மலை ரோட்டில் அரசு கலைக்கல்லூரிக்கு பின்புறம் ஜீவசமதியனார். அவர் சமாதியாகி 44  வருடங்கள் ஆகிவிட்டடன. நமது சிரமமான தருணங்களில் ஓம் ஈஸ்வர பட்டாய நமஹ என்று நாம் நம்பிக்கையுடன் வேண்டினால் உறுதியாக நமது பிரச்சினைகள் முடிவை எட்டிவிடும் என்ற மிகப்பெரிய ஒரு ரகசியத்தை நமது ஆன்மீக குரு அவார்களின் வாயிலாக நம் அறிந்து கொள்ள வாய்ப்பு அமைந்தது.
குத்துவிளக்கு பயிற்சி


நிகழ்ச்சியின் மிக்கிய அங்கமாக பெண்களுக்கான குத்துவிளக்கு பயிற்சி நமது குருநாரினால் பயிற்றுவிக்கப்பட்டது. இதில் எப்படி பெண்கள் விளக்கு ஏற்ற வேண்டும், அதில் நம் மூதாதையர்கள் ஒழித்துவைத்து உள்ள இரகசியம் மற்றும் அறிவியில் ரீதியாகவும் உள்ள விஷயத்தை அனைத்தையும் நம்முடன் பகிர்ந்து கொண்டார்.
சொர்ணதீபம் (அ) தசக்கூட்டு எண்ணெய்






இந்த ஆன்மீகப்பயிற்சியின் இன்னொரு சிறப்பு அம்சமாக தசகூட்டு எண்ணெயின் அறிமுகம், அதனை பயன்படுத்தினால் ஏற்படும் நன்மை பற்றியும் நமக்கு தெளிவாக விளக்கினார்., நமது குருநாதர். அங்கு வந்த  அனைத்த மக்களும் அதனை  வங்கி சென்றார்கள். இந்த அறிவிப்பின் பொது சிலர் இதை பயன்படுத்தியனால் ஏற்பட்ட நன்மை பற்றியும் நம் பயிற்சி வகுப்பில் நம்முடன் பகிர்ந்து கொண்டார்கள்.


கிரிவலம்
            படம்;மிளகாய் பழசித்தர் ஜீவசமாதி
பயிற்சி வகுப்புகள் முடிந்தவுடன்  நமது குருநாதரை தொடர்ந்து நமது அன்பர்களும் கிரிவலத்தை கலந்தார்கள். இதில் மிகவும் குறிப்பிடும் விதமாக நமது குருநாதருடன் நமது கிரிவலபயணம் முதலில் மிளகாய்ப்பழ சித்தர் சன்னதியை அடைந்தது, அங்கு நமக்காகவும், நம் நன்மைக்காகவும் நமது அய்யா அவர்கள் சிறப்பு பூஜை ஒன்றை செயதார்.

தர்ப்பணம்
நமது பித்ருக்களின் தோஷமே நமது வாழ்வில் நம் அனுபவிக்கும் பல பிரச்சனைகளுக்கு பின்புலமாக அமைகிறது. அதனை களைந்து நம்மை பாதுகாத்துக்கொள்ள நமது அய்யா அருகில் இருந்து இதனை நமது கையாலேயே செய்ய வைத்தார்கள்.
அன்னதானம்

கிரிவலத்தின் ஆரம்பம் முதல் முடிவு வரை அணைத்து வயது தரப்பினரும் ஓம் சிவ சிவ ஓம்  என்னும் நாமத்தை இடைவிடாது முழங்கிய வண்ணம் அய்யாவை தொடர்ந்தனர்.  கிரிவலம் கழுகாசமூர்த்தி பெருமானின் சன்னதியில் முடிவுற்றவுடன் அன்னதானமும் சன்னதியிலே தொடங்கியது., இதில் நமது ஆன்மீகஅன்பர்களுடன், ஊர் பொது மக்களும் நம் அய்யாவின்
கரங்களில் இருந்தே அன்னத்தை பெற்று சென்றனர்..

கிரிவலத்தில் போது நடந்த சில முக்கிய நிகழ்வுகளின் தொகுப்புகள் உங்களிடம் பகிர்ந்து கொள்ள கடமை பட்டுள்ளோம்,
·         நண்பர் ஒருவர் கிரிவலம் வருவதற்குமுன் தன் வேலையில் ஏற்பட்ட நெருக்கடியை தீர்துகொள்ளவே கழுகுமலை நோக்கிப் பயணம் மேற்கொண்டதாகவும், கிரிவலத்தில் நடந்த கொண்டிருக்கும் போதே தன்னுடைய இரண்டு மாதம் சம்பளம் உட்பட அனைத்தும் தன் வங்கிக் கணக்கில் வந்து சேர்த்திருப்பதாக தவகல் அவரை வந்தடைந்தது. இதற்கு நம்முடைய  அய்யா சகஸ்ரவடுகர் அவர்களின் ஆசிர்வாதமும் அவர்களினால் தான் செய்த வழிபாடுதான் கரணம் என்பதை நம்மிடம் பகிர்ந்துகொண்டுள்ளார்.

·         மருத்துவர் ஒருவர், தான் மிகுந்த மன உளைச்சல் உடன் தான் குரு முகம் மட்டுமாவது பார்த்துவிட்டால் போதும், தனது பிரச்சினைக்கு முடிவு கிட்டி விடும் என்று பேருந்தில் தான் பயணத்தை தொடங்கியிருக்கிறார்., அவர் கழுகுமலையை வந்து அடயமுன்னரே தனது பிரச்சனைக்கான தீர்வை தொலைபேசி வாயிலாக பெற்றுவிட்டதாக மிகுந்த உற்சாகத்துடன் நம்முடன் தெரிவித்தார்.

·         இதில் இன்னொரு  சிறப்பம்சமாக உத்தரபிரதேசம், டெல்லி, பெங்களூர் மற்றும் பாண்டிச்சேரி வந்திருந்த நம் அன்பர்பகள் தங்களின் நீண்ட காலமாக பிராத்தனை பற்றியும் தாங்கள் முழுமையான விளக்கங்கள் பற்றியும்  அறியாது இருந்ததாகவும், இங்கு வந்து குருநாதரின் அருளுரையில் தான் தாங்கள்  சரியான பிரார்த்தனை முறையை  அறிந்து கொண்டதாக நம்மிடம் தெரிவித்தனர்.


·         ஆன்மீக சிறப்புப் பயற்சியின் போது நம் குருநாதர் அவர்கள், நம்  கண்களை மூடி சிறிதுநேரம் நம்மை தியானம் செய்ய சொன்னார். அப்போது நம்முடைய முறையான பிரார்த்தனை நிச்சயம் நம்முடைய தேவைகளையும், தடங்களையும் எதிர்க்கும் வல்லமையை நமக்கு அளிக்கும் என்று நம் குருநாதர் உணர்த்தினார். இது நாம் அனுபவத்தில் உணர்ந்தவை.
நன்றி

ஈஸ்வரபட்டர் அய்யாவின் இந்த சிறப்புமிக்க கிரிவலம் மற்றும் அன்னதானம் நடக்க பொருள் உதவி கொடுத்து உதவி செய்து உறுதுணையாக இருந்த அனைத்து உள்ளங்களுக்கும், கழுகுமலை சேர்மன் திரு.சுப்பிரமணியின் அவர்களுக்கும்,திரு.தமிழானந்தம் அவர்கள்EO, கழுகுமலை பொதுமக்கள் அனைவருக்கும், கலந்துகொண்ட ஆயிரகணக்கான ஆன்மீக அன்பர்கள் மற்றும் கழுமலை கோவில் நிர்வாகத்தினர், காவல்துறை மற்றும் பொதுமக்கள் அனைவருக்கும்  குருநாதர் சகஸ்ரவடுகர் அவர்களின் சார்பாகவும் ஆன்மீகஅரசு மற்றும் ஆன்மீககடல் குழுமம் சார்பாக நன்றியை தெரிவித்துகொள்கிறோம்.

அனைவருக்கும் வணக்கம் கிரிவலம் குறித்த முக்கிய தகவல்

அனைவருக்கும் வணக்கம்  கிரிவலம் குறித்த முக்கிய தகவல்
              நாம் நடத்தவிருக்கிற அன்னதானம் நமது ஈஸ்வரபட்டர் ஐயாவின் அவர்களின்  நினைவாக என்பதை தெரிவித்துகொள்கிறோம் .

கிரிவலம் நிகழ்ச்சி நிரல்

               1.ஐயா  சகஸ்ரவடுகரின்  சொற்பொழிவு
               2.ஆன்மீக சிறப்பு பயிற்சி 
               3.கிரிவலம்
               4.அன்னதானம்
வருகைதரும் அனைத்து ஆன்மீக அன்பர்களுக்கு, ஒரு முக்கிய அறிவிப்பு,  கழுகுமலை கிரிவலப்பாதையில் உள்ள சமுதாய நலகூடத்தில் சரியாக நண்பகல் 2.00 மணியளவில் நிகழ்ச்சி ஆரம்பமாகும் என்பதை தெரிவித் துக்கொள்கிறோம் .











ஓம் ஹ்ரீம் மஹா பைரவாய நமஹ

மறுபதிப்பு ::பித்ருக்களின் ஆசிகளைத் தரும் ஆடி அமாவாசை(26.7.14சனிக்கிழமை) அன்னதானம்!!!


உலகத்திற்கே மனிதநாகரீகத்தைக் கற்றுக் கொடுத்தது நமது தமிழ்நாடுதான்! ஏனெனில்,மனிதன் நாகரீகமடையத் துவங்கி 20,00,000 ஆண்டுகள் ஆகிவிட்டன;மனித இனம் நாகரீகமடைந்தது இன்றைய இலங்கைக்குத் தெற்கே கடலுக்குள் மூழ்கியிருக்கும் குமரிக்கண்டத்தில் தான்! அன்று முதல் இன்று வரை குலதெய்வத்தை தலைமுறை தலைமுறையாக வழிபட்டு வரும் ஒரே மனித இனம் நமது தமிழ் இனம் மட்டுமே!
இறந்த முன்னோர்களே குலதெய்வங்களாக பரிணமித்திருக்கின்றன;இறந்த முன்னோர்கள்  விண்ணில் பித்ருக்கள் உலகத்தில் வாழ்ந்து வருகின்றனர்;அவர்கள் பித்ரு தேவதைகள்,எமதர்மராஜா போன்றவர்களின் அனுமதியோடு பூமிக்கு வரும் மூன்று நாட்களில் முதன்மையானது ஆடி அமாவாசை!!அவ்வாறு வருகை தந்து பூமியில் வாழ்ந்து வரும் தனது வம்சாவழியினரில் ஒருவராவது முன்னோர்களுக்குத் தர்ப்பணம் செய்கிறார்களா? என்பதை கவனிப்பார்கள்;
அவ்வாறு யாராவது ஒருவர் செய்தாலும் அதைப்பெற்றுக் கொண்டு அவர்களுக்கு பரிபூரண ஆசி வழங்குவார்கள்;இந்த ஆசியினால் அந்த குடும்பத்திற்கு அடுத்த ஒரு வருடத்திற்கு வளங்கள் பெருகும்;நலங்கள் அதிகரிக்கும்;அதே சமயம் வர இருக்கும் ஆபத்துக்கள்/விபத்துக்களில் இருந்து பித்ருக்களின் ஆசி தடுத்து காப்பாற்றிவிடும்; ஒரே ஒரு ஆடி அமாவாசை நாளன்று நாம் செய்யும் அன்னதானமானது,பித்ருக்கள் உலகில் வசிப்பவர்களுக்கு ஒரு வருடத்துக்குரிய உணவாகப் போய்ச் சேருகிறது;
ஆடி மாதத்தில் ஆத்மாக் காரகனாகிய சூரியன் சந்திரனின் ராசியான கடகத்தைக் கடந்து கொண்டிருப்பார்;அந்த சூரியனுடன் மனக்காரகனாகிய சந்திரன் ஒன்று சேரும் நாள் தான் ஆடி அமாவாசை ஆகும்;
இந்த நன்னாளில் இல்லறத்தாராகிய நாம் ஒவ்வொருவருமே நமது முன்னோர்களுக்கு(பித்ருக்களுக்கு) தர்ப்பணம் செய்ய வேண்டும்;ஒவ்வொருவருமே சிவனடி சேர்ந்த தனது பெற்றோர்களின் நினைவாகவோ அல்லது தாத்தா பாட்டியின் நினைவாகவோ அவர்கள் சிவனடி சேர்ந்த திதியை அறிந்து கொள்ள வேண்டும்;ஒவ்வொரு ஆண்டும் அந்த திதி வரும் நாளில் அவரவர்களுக்கு முறைப்படி பித்ரு தர்ப்பணம் செய்ய வேண்டும்;இன்றைய வேகமான வாழ்க்கையில் ஒருவரே குறைந்த பட்சம் ஆறு பேர்களுக்கு வருடாந்திரத் திதி கொடுப்பது சாத்தியமா?
அம்மாவின் அப்பா,அம்மாவின் அம்மா
அப்பாவின் அப்பா,அப்பாவின் அம்மா
மற்றும்
சிவனடி சேர்ந்த அம்மா,அப்பா
போன்ற எண்ணிக்கையில் திதி கொடுக்க வேண்டும் என்று முடிவெடுத்தால் ஒரு ஆண்டில் ஆறு வெவ்வேறு நாட்களில் பித்ரு தர்ப்பணம் செய்ய வேண்டும்;
இது செய்ய முடியாதவர்கள் நமது ஆன்மீக குருவின் தலைமையில் இது போன்ற ஒரு நிகழ்வில் கலந்து கொள்ளவாவது செய்ய வேண்டும்;அப்படி கடந்த வருடங்களில் கலந்து கொண்ட அனைவரது நியாயமான கோரிக்கைகளும் சில நாட்கள்/வாரங்களுக்குள் முன்னோர்களின் ஆசியாலும்,நமது ஆன்மீக குருவின் அருளாசியாலும் நிறைவேறின;பல வாசக,வாசகிகளின் பல ஆண்டு வாழ்வியல் சிக்கல்கள் நிரந்தரமாகத் தீர்ந்தன;வேலை கிடைக்காதவர்களுக்கு நிரந்தரமான வேலை கிடைத்தன;திருமணத்தடை பலருக்கு நீங்கியது;குழந்தைப் பாக்கியம் வேண்டி வந்து கலந்து கொண்ட அனைவருக்கும் புத்திர யோகம் கிடைத்தன;பூர்வீகச் சொத்து சிக்கல்கள் பலருக்கு தீர்ந்தன;இந்த அனுபவங்களை விவரித்தால் அதற்கே தனி வலைப்பூ தேவைப்படும்;
ஜய வருடத்தின் ஆடி அமாவாசைத் திதியானது 26.7.2014 சனிக்கிழமையன்று வருகிறது.இந்த நன்னாளில் மதியம் 2 மணி முதல் 4 மணி வரை நமது ஆன்மீக வழிகாட்டி சகஸ்ரவடுகர் ஐயா அவர்கள் தலைமையில் திருநெல்வேலி மாவட்டம் கழுகுமலையில் ஆன்மீக சத்சங்கம் நடைபெற இருக்கிறது;இந்த சத்சங்கத்தின் முடிவில் ஐயா சகஸ்ரவடுகர் அவர்கள் தலைமையில் கழுகுமலை கிரிவலமும்,கிரிவலத்தின் நிறைவாக அன்னதானமும் நடைபெற இருக்கிறது.
இந்த ஆடி அமாவாசை பித்ருக்கள் அன்னதான நிகழ்வில் கலந்து கொள்ள அனைத்து ஆன்மீக அரசு,ஆன்மீகக்கடல் வாசக,வாசகிகளையும் ஆன்மீகக்கடல் குழுமம் அன்போடு அழைக்கிறது;
ஓம்சிவசக்திஓம்
கழுகுமலை வர விரும்புவோர் கவனிக்க:-
தமிழ்நாட்டின் வடக்கே இருந்து வருபவர்கள் மதுரை டூ திருநெல்வேலி தேசிய நெடுஞ்சாலை/ரயில் பாதையில் அமைந்திருக்கும் கோவில்பட்டிக்கு வர வேண்டும்;அங்கிருந்து சங்கரன்கோவில் செல்லும் பேருந்து வழித்தடத்தில் அமைந்திருக்கும் கழுகுமலையை வந்தடையலாம்;பொதிகை எக்ஸ்பிரஸின் மூலமாக பயணிப்பவர்கள் சங்கரன்கோவிலில் இறங்க வேண்டும்;அங்கிருந்து கோவில்பட்டி செல்லும் சாலை மார்க்கமாக கழுகுமலையை வந்தடையலாம்;
தமிழ்நாட்டின் தெற்கே இருந்து வருபவர்கள் நாகர்கோவில் டூ மதுரை தேசிய நெடுஞ்சாலை/ரயில் பாதையில் அமைந்திருக்கும் கோவில்பட்டியை வந்தடைந்து,அங்கிருந்து கழுகுமலைக்கு வரலாம்;அல்லது திருநெல்வேலி டூ ராஜபாளையம் வழித்தடத்தில் அமைந்திருக்கும் சங்கரன்கோவிலை வந்தடைய வேண்டும்;அங்கிருந்து கோவில்பட்டி செல்லும் சாலை வழியாக கழுகுமலையை வந்தடையலாம்;