RightClick

இதிகாசங்கள்

இதிகாசங்கள் நடைபெற்றதை காலம் காலமாக நினைவூட்டும் விதமாக பெயர் வைத்து
நமது பண்பாட்டைப் பாதுகாத்து வருபவர்கள் நமது தமிழ் மக்களே!
இராவணனின் தம்பி திரிசரண் தவம் புரிந்து,சிவ வழிபாடு செய்த ஊரே
திரிசிரபுரம்;இதுவே தற்போது திரிந்து திருச்சிராப்பள்ளி என்று ஆனது;
சடாயுப் பறவை சிவவழிபாடு செய்த ஊரே இக்காலத்தில் புள்ளிருக்கு வேளூர்
என்று அழைக்கப்படுகிறது.
வாலி,சுக்ரீவன் என்ற குரங்குகள் பரவலாக வாழ்ந்து வந்த ஊர் ஆதிகாலத்தில்
குரங்காடுதுறை என்று அழைக்கப்பட்டது;அதுவே இக்காலத்தில் ஆடுதுறை என்று
மாறியிருக்கிறது.
ஸ்ரீராமன் தர்ப்பைப் புல் மீது அமர்ந்து சிவனை நோக்கித் தவம் செய்த ஊர்
திருப்புல்லாணி;
வருணன் மீது அம்பு தொடுக்க வில் பூட்டிய ஊரே தனுசுக் கோடி;
அர்சுனன் சிவபெருமானிடன் பாசுபத அஸ்திரம் பெற தவம் செய்த ஊரே திருவேட்களம் ஆகும்;
பஞ்சபாண்டவர்கள்,காளியை வெகுகாலமாக வழிபட்ட ஊரே ஐவர்மலை;இன்று ஐவர் மலையை
அயிரை மலையாக அழைத்து வருகிறோம்;
பஞ்சபாண்டவர்கள் பாரதப் போரில் வெற்றி பெற பிரத்யங்கராதேவியை வணங்கி வரம்
பெற்ற ஊரே ஐவர் பாடி;அதுவே இன்று ஐயாவாடி என்று அழைக்கப்பட்டுவருகிறது.
மந்தைக்காடு என்பதே இக்காலத்தில் மண்டைக்காடு என்ற பெயரில்
அழைக்கப்படுகிறது.இந்த ஊர்க்கோவிலில் இருக்கும் மண்ணே பகவதியாக இவ்வூர்
மக்கள் வழிபட்டு வருகிறார்கள்.
சித்தர்களின் தலைவர் அகத்தியர் ஈ வடிவத்தில் வந்து அம்மையப்பனாகிய
சிவபெருமானை வழிபட்ட தலமே இக்காலத்தில் ஈங்கோய் மலை என்று
அழைக்கப்படுகிறது.
அர்ச்சுனா நதி,வைப்பாறு என்ற இரு நதிகள் பாயும் ஊரே இரு கங்கைக் குடி
என்று அழைக்கப்பட்டது;அந்த இரு கங்கை(நதியின் பொதுப்பெயராக அக்காலத்தில்
அழைக்கப்பட்டது)குடியே இன்று இருக்கன்குடியாக உருமாறியிருக்கிறது.
கவிச்சக்கரவர்த்தி  என்று போற்றப்பட்ட கம்பரின் சமாதி இருக்கும் ஊரை
முற்காலத்தில் பாட்டரசன் கோட்டை என்று அழைத்தார்கள்;அதுவே இக்காலத்தில்
நாட்டரசன்கோட்டையாக புழக்கத்தில் இருக்கிறது.
தஞ்சன் என்ற அசுரனை சதாசிவன் நேரில் வந்து அழித்த ஊரே இன்றைய தஞ்சாவூர்!
புன்னைமரங்கள் நிறைந்த இடமே புன்னைவனம் ஆகும்;புன்னைவனத்தின் நடுவே
விற்றிருந்து அருள்பவளே புன்னைநல்லூர் மாரியம்மாள்!
ஒரு பெண்ணின் கரு,சாபத்தால் கலைந்த போது,அந்தப் பெண்ணின் அருகில் இருந்து
காத்தவளே கர்ப்பரட்சாம்பிகை;அந்த அம்மன் வாழ்ந்து வரும் ஊரே
திருக்கருகாவூர்.
வக்கிராசுரனை திருமாலும்,வக்கிராசுரனின் தங்கை துன்முகியை
பார்வதிதேவியும் வதம் செய்த ஊரே திருவக்கரை;
புதுவை நாதர் என்ற வைத்தியநாதசுவாமி அருள்பாலிக்கும் ஊரே
புதுவைத்தலம்;இந்த புதுவைத்தலத்தை வில்லி என்ற மன்னன் ஆண்டு
வந்ததால்,அந்த மன்னனின் நினைவாக மாறியதே ஸ்ரீவில்லிபுத்தூர்.
மங்கலக்குடி,மங்கல விநாயகர்,மங்கல நாதர்,மங்கல நாயகி,மங்கல தீர்த்தம்
என்று ஐந்து மங்கலங்கள் நிரம்பி மக்களுக்கு மங்கலங்கள் அள்ளித்தரும் ஊரே
திருமங்கலக்குடி!
காய வைத்த நெல் மழையால் நனைந்துவிடுமோ என்று கோவில் அர்ச்சகர்
கவலைப்பட,அன்னை காந்திமதி நெல் மட்டும் நனையாமல் காத்துஅருளினாள்;அந்த
வரலாறை தன்னுள் வைத்து இன்றும் இருப்பதே திருநெல்வேலி ஆகும்.
நாகங்கள் சிவனை நினைத்து வழிபட்டு வரும் இடமே இக்காலத்தில் நாகர்கோவில்
என்ற மாநகரமாக வளர்ந்திருக்கிறது;
சிவனை மணம் முடிக்க நினைத்து மூன்று கடல்களும் சந்திக்கும் இடத்தில்
கன்னியாக பார்வதிதேவி (வடக்கே இருக்கும் இமய மலையை நோக்கி)தவம்
செய்தமையால்,அந்த இடம் இன்று கன்னியாக்குமரி என்று அழைக்கப்பட்டு
வருகிறது.
நன்றி:ரா.பி.சேதுப்பிள்ளை எழுதிய “ஊரும் பேரும்”
ஓம் ஹ்ரீம் மஹாபைரவாய நம