RightClick

அட்சய திரிதியையின் சிறப்புகள

ஒவ்வொரு ஆண்டின் முதல் மாதம் சித்திரை ஆகும்;சித்திரை மாதத்தில் வரும்
வளர்பிறை திதியில் மூன்றாம் நாளை அட்சயத் திரிதியையாக நாம் பல
நூற்றாண்டுகளாகக் கொண்டாடி வருகிறோம்;

இந்த ஜய வருடத்தில் 2.5.2014 வெள்ளிக்கிழமையன்று(சித்திரை 19 ஆம் நாள்)
அட்சய திரிதியை அமைந்திருக்கிறது.

கிருதயுகம்,திரோதாயுகம்,துவாபரயுகம்,கலியுகம் என்ற நான்கு யுகங்களில்
இரண்டாவது யுகமான திரோதாயுகம் பிறந்தது அட்சய திரிதியை நாளன்றுதான்!

வேதவியாசர் மகாபாரதத்தை சொல்லச் சொல்ல அதை முழு முதற்கடவுளாகிய விநாயகர்
எழுதத் துவங்கியதும் இந்த நாளன்றுதான்!!
தனது முன்னோர்கள் கதிமோட்சம் பெறுவதற்காக பகீரதன் வெகு காலமாகத் தவம்
செய்து சொர்க்கத்தில் இருந்து பூமிக்கு புனித நதியான கங்கையைக் கொண்டு
வந்தநாளும் இந்த அட்சய திரிதியை நாளன்றுதான்!!!

குருகுலத்தில் ஒன்றாகக் கல்வி பயின்றவர்கள் கண்ணனும்,குசேலனும்.வளர்ந்து
பெரியவர்களாகி இருவரும் இல்லறத்தார்களானப் பின்னர்,குசேலன் கண்ணபிரானை
மீண்டும் சந்தித்தார்;கண்ணபிரானுக்கு குசேலன் தனது அன்புப் பரிசாக அவல்
கொடுத்து தனது வறுமை நீங்கியதும் இந்த நாளன்றுதான்!!
திருமாலின் தச அவதாரங்களில் பரசுராமர் பிறந்ததும் இந்த நாளில் தான்!!

அட்சய திரிதியை நாளன்று சாஸ்திரங்களைக் கற்க ஆரம்பித்தல் அல்லது
சாஸ்திரங்களை புகட்டிட(சொல்லிக் கொடுத்திட) ஆரம்பித்தல் நன்று என்று
வேதங்கள் தெரிவிக்கின்றன;

இந்த நாளில் உணவுதானம் செய்யத் துவங்குவதும் மிகவும் நன்மை
பயக்கும்;அருகில் அமைந்திருக்கும் பழமையான சிவாலயத்திற்கு காலை 7
மணிக்குள் செல்ல வேண்டும்; நல்லெண்ணெய் கலந்த எள்பொடியுடன் நான்கு
இட்லி+சாம்பார் தொகுதியை ஒவ்வொரு சாதுவுக்கும் வழங்குவது மிகுந்த
புண்ணியம் தரும் செயலாகும்;குறைந்தது ஒன்பது சாதுக்களுக்கு வழங்குவது
நன்று;

இந்த நன்னாளில் சூரியனின் பிராணதேவதையாகவும்,செல்வத்தின்
முழுமுதற்கடவுளாகவும் விளங்கும் ஸ்ரீஸ்ரீஸ்ரீசொர்ணாகர்ஷண பைரவப் பெருமானை
வழிபடத் துவங்குவது நன்று.

ஓம்சிவசக்திஓ