RightClick

நம் விதியையே மாற்றும் நேரம் இதோ

தென்னாடுடைய சிவனே போற்றி
எந்நாட்டவர்க்கும் இறைவா போற்றி

ஓம் சிவசிவ ஓம்
ஓம் சிவசக்தி ஓம்

ஆன்மீக அன்பர்கள் அனைவருக்கும் வணக்கம்.

நமது அய்யா திரு.சகஸ்ரவடுகர் அவர்களின் ஆன்மீக ஆராய்ச்சியின் வழிகாட்டுதலின் அடுத்த இமயம் அடுத்த கட்டுரையில் வெளியாகும்.

ஆம்.

நமது முன் ஜன்ம கர்மா காரணமாக நாம் அனுபவித்துவரும் இந்த ஜன்ம காரியங்களையே மாற்றி நன்மை பல அருளும் மிகச்சிறந்த வழிபாட்டு முறையும் அதனை மேற்கொள்ள வேண்டிய நாட்கள்  மற்றும் கிழமைகளும் அடுத்த பதிவில் வெளியட அய்யா அவர்கள் உத்தரவிட்டுள்ளார்கள்.

திருவள்ளுவர் கூற்றுப்படி ,

காலம் கருதி செய்யும் செயல் நிச்சயம் ஞாலத்தை  உலகம்  திரும்பி பார்க்க வைக்கும் என்பதை நினைவுபடுத்தும் வகையில்,

அய்யா அவர்கள் சித்த பெருமக்களின் ஆசியோடு ஓலைச்சுவடியின் துணை கொண்டு அந்த கால அட்டவணையை, வழிபட வேண்டிய நாட்களை நமக்கு அருளியிருக்கிறார்கள்.

அடுத்த பதிவின் வழி நின்று நம் விதியை வெல்வோம் .

ஓம் சிவசிவ ஓம்
ஓம் சிவசக்தி ஓம்

அட்ட வீரட்டானம் : அய்யன் பைரவர் வழிபாடு


பைரவரின் எட்டு படைவீடுகளுக்கு அட்ட வீரட்டானங்கள் என்று பெயர்.பைரவர் வீரதீரச் செயல்கள் புரிந்த இடங்களாக இருப்பதால் இவை இந்தப் பெயர் பெற்றன.இந்த அட்ட வீரட்டானங்களுக்குச் சென்று பைரவரை முறையாக வழிபாடு செய்தால் மட்டுமே பைரவரின் திரு அருள் முழுமையாக ஒருவருக்குக் கிடைக்கும் என்பது நிரூபிக்கப்பட்ட பைரவ ரகசியங்களுள் ஒன்று !!!

தேவாரம் அருளிய நால்வரில் ஒருவராம் என்னப்பர் அப்பர் பெருமான் தேவாரத்தில் அட்ட வீரட்டானத்தின் பெருமையை விவரிக்கிறார்.

காவிரியின் கரைக்கண்டி வீரட்டானம்

கடவூர் வீரட்டானம்,காமருஞ்சீர் அதிகை

மேவீய வீரட்டானம்,வழுவை வீரட்டம்

வியன்பறியல் வீரட்டம்,விடையூர் திக்கிடமாம்

கோவல்நகர் வீரட்டம்,குறுக்கை வீரட்டம்

கோத்திட்டைக்குடி வீரட்டானமிரை கூறி

நாவில் நவின்று உரைப்பார்க்கு நணுகச் சென்றால்

நமன் தமரும் சிவன் தமர் என்று அகல்வர் நன்கே!

திருக்கண்டியூர், திருக்கடவூர்,திருவதிகை,வழுவூர்,திருப்பறியலூர்,திருக்கோவிலூர்,திருக்குறுக்கை,திருவிற்குடி ஆகிய தலங்களில் சென்று சிவலிங்கத் திருமேனியாக எழுந்தருளியிருக்கும் பைரவப் பெருமானை வழிபடும் அன்பர்களை எமன் எக்காலமும் நெருங்கிடான்.இவர்கள் சிவபெருமானுக்கு நெருக்கமானவர்கள் என எமன் இவர்களைக் கண்டு அஞ்சி வணங்கி ஒதுங்குவான்.

1.திருக்கண்டியூர்

இத்திருத்தலம் தஞ்சை திருவையாறு சாலையில் திருவையாற்றிற்கு மிக அருகில் அமைந்திருக்கிறது.இத்திருத்தலம் ஆதி வில்வாரண்யம் என வழங்கப்படுகிறது.

இறைவனின் திருநாமம்  பிரமசிர கண்டீஸ்வரர்.பிரம்மனின் அகந்தையை அழித்து அருள் கொடுத்த இடம்.இத் தலத்திற்கு வந்து பக்தியோடு வழிபாடு செய்தால்,மறுபிறவியில்லை;திருமணத்தடை நீக்கும் பரிகார ஸ்தலமாக விளங்குகிறது.இந்தக் கோவிலின் சுற்றுப்பிரகாரத்தில் வடமேற்குத் திசையில் பைரவரின் தனி சன்னதி உள்ளது.

ஞாயிறு,செவ்வாய்க்கிழமைகளில் வழிபாடு செய்வது சிறப்பு.இந்த நாட்களில் இலுப்பையெண்ணெய்,புங்கெண்ணெய்,நல்லெண்ணைய் கலந்து 8 விளக்கேற்றி மூலவருக்கு அர்ச்சனை,அபிஷேக ஆராதனை செய்ய வேண்டும்.

திரு மூலப்பெருமானும்

கொலையிற் பிழைத்த பிரசா பதியைத்

தலையத் தடிந்திட்டுத் தானங்கியிட்டு

நிலையுல குக்கிவன் வேண்டுமென் றெண்ணித்

தலையைப் பரிந்திட்டு சந்தி செய்தானே(திருமந்திரம் 340)

என்று திருமந்திரத்தில் விளக்கியுள்ளார்.இதுவே நான்முகனின் தலையை கொய்த வரலாற்றோடு தொடர்புடையது ஆகும்.

சுவாதிஷ்டமாகிய சக்கரத்திலிருந்து விந்து நாதம் செய்து கொண்டிருந்த அலையும் மனமாகிய நான்முகனை(மனம்,புத்தி,சித்தம்,அகங்காரம் என்ற நான்கு முகம்) ,விந்து நீக்கம் செய்வதைத் தடுத்து,சுத்தக்கினியால் இறையருளால் விந்து சக்தியை நிலைப்படுத்தி,மனதின் உலகச் செயல்களை செயல்படுமாறு செய்து குறும்பை,அகங்காரத்தை நசுக்கிக் காத்து அருள் செய்தார் பைரவர்.

2.திருக்கோவிலூர்

திருக்கோவிலூர் கோவல்நகர் வீரட்டம்,திருக்கோவிலூர் நகருக்குள்ளேயே தென்பெண்ணை நதி தீரத்தில் அமைந்துள்ளது.

இறைவனின் திருநாமம் அந்தகாசுர சம்ஹார மூர்த்தி.அன்னை சிவானந்தவல்லி என்ற பெரிய நாயகி.

ஆலயத்தில் ஈசானிய மூலையில் பைரவர் தனி சன்னிதியில் அருள் பாலிக்கிறார்.ஞாயிறு,வெள்ளி,வியாழக்கிழமைகளில் வழிபாடு செய்தல் சிறப்பு.

இங்குள்ள மஹாகணபதி சன்னதியில் தான் ஸ்ரீமஹா கணபதியின் வேண்டுகோளுக்கிணங்க அவ்வையார் விநாயகர் அகவலை அருளினார்.

இத்தலத்தில் அபிஷேகம் செய்தால்,நல்ல குருவின் திருவருள் முழுமையாக அமையும்.சோழச் சக்கரவர்த்தியாகத் திகழ்ந்த ராஜராஜ சோழன் பிறந்த ஊர் இது!!! ஸ்ரீராஜராஜசோழன்        ஸ்ரீகருவூரார் சித்தரின் அருளின் படி பைரவரை வணங்கி ஈடில்லாத புகழ் பெற்றார்.அவரது சாம்ராஜ்ஜியம் ஆசியா முழுவதும்,ஆஸ்திரேலியா வரையிலும் பரவியிருந்தது.

கருத்துறை அந்தகன் தன் போல் அசுரன்

வரத்தின் உலகத் துயிர்களை எல்லாம்

வருத்தஞ் செய்தானென்று வானவர் வேண்டக்

குருத்துயர் சூலங்கை கொண்டு கொன்றானே= திருமூலரின் திருமந்திரம் 339

(மனதில் பொறாமை,காமம் முதலான தீய எண்ணங்கள் இறை வழிபாடு விடாமல் செய்து வரும்போதுதான் எழுச்சி பெறும்;அவ்வாறு எழுச்சி பெற்று நம்மை ஆன்மீக முன்னேற்றத்தைத் தடுக்கும்;இப்படி காம,பொறாமை எண்ணங்கள் தோன்றிடக் காரணம் நான் என்ற அகங்காரம் தான்!!!இந்த எண்ணங்களை முறியடிக்க நாம் பைரவரை விடாமல் தொழுதால்,மனதில் மெய்ஞான எண்ணங்களை தோற்றுவித்து,நமது மனதில் தோன்றும் தேவையில்லாத எண்ணங்களை அழித்து,நல்லெண்ணத்தால் மெய் இறைஞான நிலையை பைரவரே உருவாக்கிவிடுவார்.

3.திருவதிகை

பண்ருட்டியிலிருந்து ஒரு கி.மீ.தூரத்தில் அமைந்துள்ள திருத்தலம் இது.இறைவனின் திருநாமம் வீரட்டானேஸ்வரர்.ஈசானிய மூலையில் இங்கு பைரவர் எழுந்தருளியுள்ளார்.திரிபுரம் எரித்த இடம் இதுவே! வித்யுமாலி,தாரகாசுரன்,கமலாக்ஷன் ஆகிய அசுரர்களை அழித்த இடம் இது.வெள்ளி,புதன் கிழமைகளில் இங்கு வழிபடுவது சிறப்பாகும்.தீராத நோய்கள் தீர இங்கு வந்து வழிபட வேண்டும்.

சுந்தரமூர்த்தி நாயனார் திருவடி தீட்சை பெற்ற இடம் இது.சமண சமயத்திலிருந்து சைவ சமயத்திற்கு திரும்பிய திருநாவுக்கரசரின் தீராத குன்ம வியாதியை நீக்கி தடுத்தாண்ட தலம் இது.உடல் நோய்களும்,பிறவி நோய்களும் நீங்கும் இடம் இதுவே! நமது கர்மத்தடைகளை நீக்கி,யோக மற்றும் ஞான நிலைகளை வழங்கும் திருத்தலமும் இதுவே தான்!!!

அப்பணி செஞ்சடை ஆதிபுராதனன்

முப்புரஞ்செற்றனன் என்பர்கள் மூடர்கள்

முப்புரமாவது மும்மல காரியம்

அப்புரம் எய்தமை யாரறிவாரே! (திருமூலரின் திருமந்திரம் 343)

காமம்(உடல் இச்சை மட்டும் காமம் அல்ல;பேராசை;பணத்தாசை;பொன்னாசையும் தான்!), கோபம்,தாபம்(நீண்ட கால ஏக்கம்) ஆகிய மும்மலங்களை(நம்மை ஆன்மீக வாழ்க்கையில் வளரவிடாமல் தடுக்கும் கழிவுகள் அனைத்தும் மலம் ஆகும்)எரித்து நமது மூலாக்கினியை ஞானக்கினியால் சேர்த்து யோக சித்தி,ஞான சித்தி அருளும் சிறப்பான திருத்தலமே இந்த திருவதிகை ஆகும்.

4.திருப்பறியலூர்

மாயவரம் திருக்கடையூர் சாலையில் 8 கி.மீ.தூரத்தில் செம்பொனார் கோவில் இருக்கிறது.இந்த செம்பொனார் கோவிலில் இருந்து 2 கி.மீ.தூரத்தில் திருப்பறியலூர் இருக்கிறது.

சுவாமியின் திருநாமம் வீரட்டேஸ்வரர்.அம்பாளின் பெயர் இளங்கொம்பனையாள். அகந்தை கொண்ட தட்சனை அழித்த இடம் இது.தட்சன் யாகம் செய்த இடமே  தற்சமயம் கோவிலின் குளமாக இருக்கிறது.இங்கு வந்து வழிபட்டால்,தீராத கடன்கள் தீரும்;பூர்வ ஜென்மங்களில் ஏற்பட்ட சாபங்கள்,தோஷங்கள்  ஆகியவற்றை நீக்கி,நல்வாழ்வு தருமிடம் இதுவே!!!

5.திருவிற்குடி

திருவாரூர் நாகூர் சாலையில் திருப்பயந்தங்குடியிலிருந்து பிரிந்து 2கி.மீ.தூரம் சென்றால் திருவிற்குடியை அடையலாம்.

மேற்கு நோக்கிய திருக்கோவிலாக இது அமைந்திருக்கிறது.இந்தக் கோவிலின் இறைவனின் திருநாமம் ஸ்ரீஜலந்தராசுரவத மூர்த்தி.

திருமால் சுதர்ஸன சக்கரம் வேண்டி இறைவனுக்கு துளசியால் அர்ச்சித்து அருளையும்,சுதர்ஸன சக்கரத்தையும் பெற்றார்.எனவே,இங்கு சிவபெருமான் வடிவில் இருக்கும் பைரவருக்கு துளசியால் அர்ச்சனை செய்யப்படுகிறது.இங்கு திருமால் தனது தேவியான லட்சுமியோடு இருக்கிறார்.

பெரும் வறுமை நீங்கிட அல்லது மகத்தான செல்வ வளம் வேண்டுவோர்,இங்கு 16 வெள்ளிக்கிழமைகளுக்கு வர வேண்டும்.வந்து விநாயகர்,சுவாமி,அம்பாள்,இலக்குமி,பைரவர் ஆகியோருக்கு அபிஷேகம் ஆராதனைகள் செய்ய வேண்டும்;இதைச் செய்ய இயலாத அளவுக்கு பொருளாதாரத்தில் சாதாரண நிலையில் இருப்போர் அர்ச்சனை செய்தால் போதும்.இவ்வாறு செய்து முடித்தால், வறுமை நீங்கும்;செல்வ வளம் பெருகும்.

குழந்தைப்பாக்கியம் இல்லாதவர்கள் 27 செவ்வாய்க்கிழமைகளுக்கு மேற்கூறியவாறு வழிபாடுகள் செய்து விட்டால்,தடைகள் எதுவாக இருந்தாலும் அவை நீங்கி புத்திரபாக்கியம் பெறுவது நிச்சயம்.

திருமணமாகாதவர்கள் தங்களால் இயன்ற அளவுக்கு தங்கக் காசுகளை சுவாமிக்கு காணிக்கையாக வேண்டி ஒன்பது மாதங்கள்(வெள்ளி அல்லது தேய்பிறை அஷ்டமியன்று) வேண்டிக்கொள்ள ,நல்ல முறையில் திருமணம் நடக்கும்.

தொழிலில் நசிந்தோர்கள்,இலாபமில்லாதவர்கள் இங்கு பைரவருக்கு அபிஷேகங்கள் செய்துவர அற்புதமான பலன்களை அனுபவத்தில் உணரமுடியும்.நீங்கள் இவ்வாறு வழிபாடுகள் செய்து வர,நாய்கள் உங்களைத் தொடர்ந்து வருவதையும் அனுபவத்தில் காணலாம்.

எங்கும் பரந்தும் இரு நிலந்தாங்கியும்

தங்கும் படித்தவன் தாளூணர் தேவர்கள்

பொங்கும் சினத்துள் அயன் தலை முன்னற

அங்கு அச்சுதனை உதிரங்கொண்டானே(திருமூலரின் திருமந்திரம் 341)

6.வழுவூர்

மயிலாடுதுறையிலிருந்து திருவாரூர் செல்லும் சாலையில் 8 கி.மீ.தூரம் சென்றதும்,வலப்புறம் திரும்ப வேண்டும்.அங்கிருந்து அரை கி.மீ.தூரத்தில் இருப்பது வழுவூர் ஆகும்.

இறைவன் கிருத்திவாஸர் என்ற திருநாமத்தோடு அருள்பாலித்துவருகிறார்.

அகங்காரத்துடன் தான் என்ற அகந்தையில் இருந்த முனிவர்களின் ஆணவத்தை அழித்து,திருக்காட்சி கொடுத்து அவர்களுக்கு ஞானச் செல்வம் தந்தருளும் இடம் இது.

ஸ்ரீஐயப்பன் அவதரித்த இடமும் இதுவே!!! எத்தனையோ பேர்கள் தியானம் செய்கிறேன்;தவம் செய்கிறேன் எனக்கு எந்த முன்னேற்றமும் இல்லை என புலம்புபவர்கள்,இங்கு வருகைதந்து,இறைவனை வழிபட வேண்டும்.மாதம் ஒரு நாள் வீதம் பத்து நாட்களுக்கு இங்கிருக்கும் மூலவரின் முன்பாக அமர்ந்து தியானம் செய்ய வேண்டும்;இவ்வாறு செய்வதால்,அவர்களின் தியானம் சித்திக்கும்;கூடவே இறைவனின் திருவருட்காட்சியும்(தரிசனம்!!!) பெற்று இறைமார்க்கத்தில் முன்னேறமுடியும்.

இத்தலத்தில் அமர்ந்து தியானம் செய்து வந்தால், ‘பார்க்கும் இடமெல்லாம் நீக்கமற நிறைந்த பரிபூரண ஆனந்தமே’ என்னும் வாக்கினை அனுபவபூர்வமாக உணரலாம்.

இங்கும் ஈசான மூலையில் பைரவர் எழுந்தருளியுள்ளார்.இவருக்கு அருகிலேயே சனீஸ்வரர் அமர்ந்திருக்கிறார்.

ஏழரைச்சனி,அஷ்டமச்சனி,கண்டச்சனி,அர்த்த அஷ்டமச்சனி(4 ஆம் இடத்துச்சனி),சனி திசையால் பாதிப்புக்கு உள்ளானவர்கள் 8 சனிக்கிழமைகளுக்கு இங்கு வர வேண்டும்;அவ்வாறு வந்து,இவரது சன்னிதியில் 8 தீபம் நல்லெண்ணெய் ஊற்றி,ஏற்ற வேண்டும்.அதன்பிறகு அபிஷேகம் ஆராதனை செய்ய வேண்டும்;முடியாதவர்கள் அர்ச்சனை செய்து வர சனிக்கிரகத்தின் பாதிப்புகள்,தொல்லைகள் நீங்கி,எல்லையில்லாத மனநிம்மதியைப் பெறலாம்.

7.திருக்குறுக்கை

மயிலாடுதுறையிலிருந்து மணல்மேடு சாலையில் கொண்டல் என்ற இடம் வந்ததும்,பிரிந்து செல்ல வேண்டும்.அங்கிருந்து 3 கி.மீ.சென்றால் திருக்குறுக்கை வரும்.

இறைவனின் திருநாமம் வீரட்டேஸ்வரர்.இறைவியின் திருநாமம் ஞானாம்பிகை ஆகும்.காமனை எரித்த இடம் இதுவே!!!

தியானம் செய்பவர்கள்,இறை நெறி செல்பவர்கள் இங்கு வந்து வழிபட்டால் சுழுமுனை கூடி,வாக்கு சித்தியும் தவ உயர்வும் பெறமுடியும்.

குழந்தை இல்லாதவர்கள் இங்கு வந்து 8 வியாழன் அல்லது 8 செவ்வாய்க்கிழமை அல்லது மாதாந்திர வியாழன் அல்லது மாதந்திர செவ்வாய்க்கிழமை என்று  8 முறை வழிபட்டு,அன்னதானம் ஒவ்வொரு தடவையும் செய்ய வேண்டும்.இவ்வாறு செய்தால் கண்டிப்பாக மழலைச் செல்வம் பெறுவார்கள்.

இருந்த மனத்தை இசைய இருத்திப்

பொருந்தி இலிங்க வழியதுபோக்கி

திருந்திய காமன் செயலழித்தங்கண்

அழுந்தவ யோகங்கொறுக்கை அமர்ந்ததே(திருமூலரின் திருமந்திரம் 346)

இந்தக் கோவிலுக்கு வந்துவிட்டு,வீடு சென்றவர்களுக்கு கனவில் பைரவர் அல்லது கூட்டமாக நாய்களையோ காண்பார்கள்.ஸ்ரீபைரவரின் திருவருளுக்கு இது ஒரு சான்று ஆகும்.

8.திருக்கடவூர்

திருக்கடையூர் என்ற திருக்கடவூர் ஆதியில் வில்வாரண்யம் என்ற பெயரில் விளங்கியது.

அமிர்தகடேஸ்வரர்,அபிராமி என்ற பெயர்களில் அப்பாவும் அம்மாவும் அருள்பாலித்து வருகின்றனர்.எமனை சம்ஹாரம் செய்து மார்க்கண்டேயரைக் காத்தருளிய இடம் இதுவே!!!

இதய நோயில் வருந்துவோர்கள்,ஆயுளுக்கு கண்டமுள்ளவர்கள் இங்கு வந்து வில்வத்தால் அர்ச்சனை செய்ய வேண்டும்.அதன்பிறகு தியானம் செய்ய வேண்டும்.இவ்வாறு 8 சனிக்கிழமைகளுக்குச் செய்து வந்தால்,மரண பயம் அகன்று நீடூழி வாழலாம்.

பிரம்ம தேவருக்கு உபதேசம் செய்த இடம் இது.

மூலத்துவாரத்து மூளும் ஒருவனை

மேலைத் துவாரத்து மேலுற நோக்கி முற்காலுற்று

காலனைக் காய்ந்தங்கி யோகமாய்

ஞாலக் கடவூர் நலமாய் இருந்ததே(திருமூலரின் திருமந்திரம் 345)

இது சித்தர்கள் தவம் செய்த பூமி ஆகும்.இங்கு ஈசான மூலையில் அமர்ந்திருக்கும் பைரவரை ஒரு நாளுக்கு ஒரு மணி நேரம் வீதம்  8 நாட்களுக்கு தவம் செய்து,வில்வம் மற்றும் செண்பகப் பூக்களால் அர்ச்சனை செய்து வந்தால்,அஷ்டமாசித்திக்குச் செல்ல நமக்கு நல்ல குருவை,சித்தரை அடையாளம் காட்டும்.இந்த ஊருக்கு 2 கி.மீ.தொலைவில் திருக்கடவூர் மயானம் என்னும் இடத்துக்குச் சென்று பிரம்மபுரீஸ்வரர்,மலர்க்குழல் மின்னம்மை தம்பதியராக இருக்கும் அருள்ஞான பெற்றோர்களை வழிபட,மெய்ஞானம் கைகூடும்.

கொன்றாய் காலனை; உயிர் கொடுத்தாய் மறையோனுக்கு,

மான் கன்றாருங் காவாக்கடவூர் திருவீரட்டத்துள்

என் தாதை பெருமான் எனக்கு யார் துணை நீயலதே என்பது சுந்தரரின் தேவாரப்பாடல் ஆகும்.

நன்றி:பைரவ ரகசியம்

ஓம் ஹ்ரீம் மஹாபைரவாய நமஹ

தமிழ் வருடபிறப்பு - ஹெவிளம்பி :

ஓம் சிவசிவ ஓம் 

தென்னாடுடைய சிவனே போற்றி 
எந்நாட்டவர்க்கும் இறைவா போற்றி 

குருவின் திருவருளுடன் 
இறையருள் பெற்று வாழ்வாங்கு வாழும், 
ஆன்மீக கடல் அன்பர்கள் அனைவருக்கும் வணக்கம் .

இனிய தமிழ் புத்தாண்டு நல்வாழ்த்துக்களை அன்பர்கள் அனைவருக்கும் ,
நம் குரு அய்யா சகஸ்ரவடுகர் அவர்கள் 






நமது வளைதளம்/ ஆன்மீகக்கடல் வழியாக பகிர்ந்து கொள்கிறார்கள் என்பதில் பெருமகிழ்ச்சி அடைகிறோம் .

இந்த தமிழ் வருடம் அனைவரது நேர்மையான கோரிக்கைகள் யாவும் நிறைவேறி நற்பேறு பெற்று பல்லாண்டு காலம் வாழ எல்லாமான இறைவனை வேண்டி கேட்டுக் கொள்கிறோம் . 

மேலும் இன்றைய தினம், வாழும் தெய்வமான / வாழ்ந்த தெய்வங்களான,  நம் தாய் தந்தை  அவர்களை மனதார எண்ணி துதித்து அவர்ளின் அன்பிற்கு பாத்தியமாகி பின் நம் குருவினை மானசீகமாக எண்ணி அருளாசி பெற்று அதற்கு பின்பு 

குல தெய்வ வழிபாடோ (அ) இஷ்ட தெய்வ வழிபாடோ செய்து வாழ்வில் எல்லா நலமும் வளமும் பெற்று வாழ வேண்டி பிரார்த்தனை செய்ய எல்லாம் வல்ல இறையருள் கிட்டும் என்பதில் ஐயமில்லை... 

மேலும் " தன்னலம் பேணாது பொதுநலன் கருதுதல் இறை நம்பிக்கைக்கு பாத்தியமாகும் வழி" என்று அய்யா  கூறுவார்கள்.









" ஜீவகாருண்யமும் ஏழை எளியவர்களுக்கு  அன்னதானமும்" நம் தலையாய கடமை என்பதை மறவமை வேண்டும் ..

மீண்டும் ஒருமுறை தமிழ்  புத்தாண்டு வாழ்த்துகளை தெரிவித்துக் கொள்கிறோம் ...


ஓம் சிவசிவ ஓம்                                        ஓம் சிவசிவ ஓம்                               ஓம் சிவசிவ ஓம் 



மனநிறைவே பேரின்பம் - அய்யா சகஸ்ரவடுகர்

 ஓம்ஸ்ரீ அம்பிகையின் அருளுடன் ஆன்மீகக் கடல் அன்பர்கள் அனைவருக்கும் வணக்கம். .

நம் வாழ்வில் நலமுடன் வளமுடன் வாழ இதோ ஒரு எளிய வழி ! 


அன்பையும் பொறுமை என்னும் கருவியை கையில் வைத்த நமக்கு திரு. சகஸ்ரவடுகர் அய்யா அவர்கள் கூறியது என்னவென்றால்  இன்று  10.04.2017 துர்முகி வருடம் பங்குனி மாதம் காலை 10.54 முதல் நாளை 11.04.2017 காலை 11.45 குள் இறைவழிபாடு மற்றும் முடிந்த அளவுக்கு அன்னதானம்  செய்து குருவின் அருள் மற்றும் இறையருள் பெற்று வாழ்வில் வாழ்வாங்கு வாழ வேண்டும் என்று கேட்டுக் கொ‌ண்டு‌ள்ளா‌ர்கள் நம் அய்யா சகஸ்ரவடுகர். 
 


.. 


தங்கள் அருகில் உள்ள சிவாலயம்  அல்லது ஜீவசமாதி சென்று தங்களது குடும்பத்திற்கு அர்ச்சனை செய்து  15 முதல் 20 நிமிடம்  எந்தவித  வேண்டுதல் இல்லாமல் " மனநிறைவு " மட்டும்தான் தேவை என்ற நிலையில் " தியானம் " செய்து  இறையருளிற்கு பாத்தியமாவோம் .


வழிபாடு செய்து பின் ஏழை எளியவர்கள் மற்றும்  உடல்நிலை சரியில்லாமல் / உறுப்புகளை இழந்து  ஆதரவினை நாடும் அன்பு  உள்ளங்களுக்கு  " அன்னதானம்  " செய்து அவரவர் இல்லம் செல்ல வேண்டும்.  

இப்படி செய்ய வேண்டியது விரைவில் உங்களை வந்து சேரும்.                                                                                                                   
 
" ஓம் சிவ சிவ ஓம்"   "ஓம் சிவசக்தி ஓம்"                                      

சர்வம் சக்திமயம் - அன்பர்களின் ஆதரவுடன் அய்யா சகஸ்ரவடுகரின் வழியில் !

கோவிலின் பூக்குழித்திருவிழா









மூன்று நூற்றாண்டுகளாக அருள்பாலித்து வரும் முத்துமாரியம்மன் திருக்கோவில் பூக்குழித் திருவிழா இந்த ஆண்டு அதாவது துர்முகி வருடம் பங்குனி மாதம் 13 ஆம் நாள் ஞாயிற்றுக்கிழமை திரயோதசி  திதியும் பூராட்டாதி  நட்சத்திரமும் கூடிய சுபதினத்தில்(26.03.17) தொடங்கி சரியாக 06.04.17 அன்று சிறப்பாக முடிந்தது.






அன்னதானம்








இந்த வருடத்தின் முக்கிய சிறப்பாக எந்த வருடமும் இல்லாதது போல் இந்த வருடம் நமது குருநாதர் தொடர்ந்து பத்து நாட்கள் அன்னதானம் நடந்தது.


ஆடைதானம்










நமது குருவின்  கைகளால் விரதமிருந்த தீமித்திக்க இருந்த அனைத்துப் பக்தர்களுக்கும் ஆடைதனாம் நடைபெற்றது.



உற்சவ ஊர்வலம்












முன்னதாக,முத்துமாரியம்மனின் உற்சவ ஊர்வலம் முள்ளிக்குளம் கிராமத்தை வலம் வந்தது;அவ்வாறு வரும் போது விரதமிருந்த பக்தர்களும்,பக்தைகளும் அம்மனின் அருளாசியால் தெய்வீகப் பரவசநிலையை எட்டியவாறு ஊர்வலத்தை அவர்களும் பின் தொடர்ந்தனர்.                                                    




பூ மிதித்தல்








 வலம் வந்ததன் முடிவாக,மாலை 4.30 மணியளவில் கோவிலின் பூசாரி முதலில் பூ இறங்கினார்;அவரைத் தொடர்ந்து அனைத்து பக்தர்களும் பூ இறங்கினர்.

 மொளப்பாரி








 பக்தர்கள் தங்கள் வேண்டுதலினால் வளர்த்த மொளப்பாரிகளை விரதமிருந்து எடுத்து சென்று குளத்தில் கரைத்தனர்.

கடந்த 50 ஆண்டுகளில் முத்துமாரியம்மனிடம் சங்கல்பம் கொண்டு, விரதம் இருந்து பூ இறங்கியவர்களின் அனைத்து கோரிக்கைகளும் நிறைவேறி வருகின்றன;அதனால்,இந்த 50 ஆம் வருடத்தில் சுமாராக 900 பேர்கள் பூ இறங்கி முத்துமாரியம்மனின் அருளைப் பெற்றனர்.


நன்றி


இந்த அன்னதானத்தில் குருநாதரின் கரங்களோடு கடந்த ஆண்டைபோல இந்த ஆண்டும்  தங்களையும் இணைத்துக்கொண்ட நம் வலைதள அன்பர்களுக்கு, நமது குருநாதர் சகஸ்ரவடுகர்  அவர்கள் சார்பாகவும் ஆன்மீ கக்கடல் மற்றும் அன்மீகஅரசு குழுமம் சார்பாக மிக்கநன்றி.
















வெற்றி நிச்சயம் இது வேத சத்தியம் : அய்யா சகஸ்ரவடுகர்

ஓம் சிவ சிவ ஓம் !!! 

ஓம் மஹா கணபதியே சரணம் !!

ஓம் அண்ணாமலையாரே போற்றி !! 
ஓம் உண்ணாமுலைதாயே போற்றி போற்றி !! 

ஓம் ஈஸ்வரப்பட்டாய நமஹ !!

ஓம் கழுகாசலமூர்த்தியே சரணம் !!


ஆன்மீக அன்பர்களுக்கு வணக்கம் .

கழுகுமலையில் ஈஸ்வரபட்டர்  அய்யாவின் நினைவாக நான்காம் ஆண்டு சித்தக்கிரிவலம்


  • கழுகுமலையில்  ' மகாயோகி ஈஸ்வரபட்டரின் அய்யாவின் ' நினைவாக 11ம்ஆண்டு நிறைவாக   " குருநாதர் அய்யா சகஸ்ரவடுகர் அவர்கள் " தலைமையில் 4ம் ஆண்டு சித்தக்கிரிவலம் மற்றும்  அன்னதானம்  நடைபெறுகிறது.

  • கிரிவலம் சரியாக 23.7.2017 ஞாயிற்றுக்கிழமை அன்று சரியாக காலை 7am அளவில் கழுகாசமூர்த்தியின் சன்னதியில் இருந்து ஆரம்பிக்கிறது.

  • கிரிவலம் முடிந்த பின்  நமது அய்யா சகஸ்ரவடுகர் அவர்களின் வாழ்வை வளமாக்கும் ஆன்மீகச் சொற்பொழிவு  உள்ளது.
 இந்த கிரிவலம் ஆன்மீகத்தேடலில் உள்ளவர்களுக்கு மிகமிக முக்கியமான நிழற்குடை. ஆம் அன்பர்களே ஆன்மீக பசிக்கு நல்லுணவு சத்துணவு காத்துக்கெண்டிருக்கிறது. 

அனைவரும் ஆவலுடன் அறிய விரும்பும் " நெற்றிக்கண் எனும் மூன்றாம் கண் " பற்றியும் திறக்க செய்யும் வழிகளைப்பற்றிய   விவரங்களை நம் அய்யா அவர்கள்  எடுத்து உரைக்க இருக்கிறார்கள்.

அன்பான சகேதர சகோதரிகளே  கழுகாசலமூர்த்தியின் திருவடியில் ஒன்று கூடுவோம் .... 

ஓம் சிவ சிவ ஓம் 




மகாரிஷி அய்யா ஈஸ்வரபட்டர் 



ஸ்ரீலஸ்ரீ ஈஸ்வரபட்டர் அவர்கள் கன்னட மாநிலத்தில் பிறந்து, திருமணம் செய்து கொள்ளாமலேயே, பல சித்த ஞானிகளிடம் ஆசி பெற்று,  ஆன்மீகத்தில் பல்வேறு நிலைகளைக் கடந்து, இறுதியாக  தென்னிந்தியாவை வந்தடைந்தார். இங்கிருக்கும் எளியோர்களுக்கு, அவர்கள் துன்பங்களில் இருந்து விடுபட அருள்புரிந்தார். பின் பழனியம்பதிக்கும் வந்து மக்களின் குறைகளை தீர்த்து பல சித்துகள் புரிந்தார். ஐயா அவர்கள்  பழனி கிரிவலப்பாதையில் மலைக்கு அடியில்  ஜீவ ஒளி  வடிவமாகி  48 வருடங்கள் ஆகின்றது. இடும்பன் கோவில் அருகாமையில் ஜீவ அதிர்ஷடானம் அமைந்துள்ளது.

                       வாழ்க்கையின் பிரச்சினைகளின் பிடியில் உள்ளவர்கள் " ஓம் ஈஸ்வரபட்டாய நமஹ " என்று நம்பிக்கையோடு பிரார்த்தனை செய்தால் மகான் அவர்கள் " சூட்சுமமாக " நம்மை சீர்படுத்துவார் - திரு மிஸ்டிக் செல்வம் ஐயா அவர்கள்.  இந்த மகானின் ஆயுள்கால சீடர்தான் நம் குருநாதர் சகஸ்ரவடுகர்.  


கிரிவலம் 








வருகிற ஆடி அமாவாசை (23.07.2017) ஞாயிற்றுக்கிமை  அன்று நடைபெற இருக்கிறது.

  நாம்  நமது வாழ்வில் சந்திக்கும் ஏற்ற இறக்கங்களை எந்த ஒரு அளவீட்டாலுமோ அல்லது நுண்ணோக்கியினாலோ  நம்மால் அளக்க முடியாது, அதனை சமன் செய்யவும் முடியாது,  ஆன்மிக பிரார்த்தனைகளும், நமக்கு  குருமார்களால்   கிடைக்கப்படும் வழிகாட்டுதல்களும்  எல்லாவித  பிரச்சனைகளில் இருந்து நம்மை விடுவிக்கிறது. அதற்கான சரியான முதல் படி, சித்தர்களின் தரிசனமும், அருளும், ஆசியும்தான். இப்படிபட்ட விஷேசதரிசனம் சக்திகளையும், அற்புதங்களையும்  அளவில்லாமல் அருளக்கூடியவர்தான் மகரிஷி ஶ்ரீ ஈஸ்வரபட்டர்  அவர்கள். அவர்தம் நினைவாக நாம் மேற்கொள்ள இருக்கும் இந்த கிரிவலம் நமது இன்னல்களை முழுவதுமாக துடைத்து நம்மை நெறிப்படுத்தும். வாழ்வை வளப்படுத்தி முன்னேற்றும். 


அமாவாசை கிரிவலம் 






இந்து சமயம்  மற்றும் ஜோதிட சாஸ்திர மரபுப்படி அமாவாசை தினங்களில்தான் மறைந்த நம் முன்னோர், தங்களின் சந்ததியினரின் வழிபாடுகளை ஏற்க பூவுலகுக்கு வருகிறார்கள் என்பது நம்பிக்கை. எல்லா தமிழ் மாத அம்மாவசை  தினங்களுமே சிறப்பானவைதான். ஆனால் ஆடி அமாவாசை மற்றும் தை அமாவாசை தினங்கள் மிகவும் சிறப்பு வாய்ந்தவை. அதில்  அமாவாசையின் பொழுது  பூமி எண்ணற்ற நற்கதிர்களை ஈர்க்கும்,.அப்போது  நாம் செய்யும்  நமது பித்ரு சாபவிமோச்சன வழிபாடு வெற்றி பெறும் மேலும் நம் மனதில் இருக்கும்  இருள் நீங்கி அருள் என்னும் வெளிச்சம் பெற அமாவாசை தினங்களே மிகவும் சரியான நாள்.  

தர்ப்பணம்






பூர்வ ஜென்ம கர்மாவினால் பாதிக்கப்படுவோர், இந்நாளில் ராமேஸ்வரம் கடல் தீர்த்தத்திலோ, முக்கடல் சங்கமிக்கும் கன்னியாகுமரியில் உள்ள தீர்த்தத்திலோ நீராடினால் பாவம் நீங்கி சுபிட்சம் பெறுவர் என்பது நம்பிக்கை. இதனாலேயே கன்னியாகுமரி கடற்கரையிலும் பித்ரு  நினைவாக  தை அமாவாசை நாளில் தர்ப்பணம் செய்வர். இதுபோல், நெல்லை மாவட்டம் குற்றாலம், பாபநாசம் உள்ளிட்ட அருவிகளில் புனித நீராடும் வழிபாடு தொடர்ந்துகொண்டுதான் இருக்கிறது. ஆனால்   நமது  சித்தர்கள் மிகவும் எளிமையான தர்ப்பண முறையையும் நமக்காக உருவாக்கி  இருக்கிறார்கள். அதை   குருநாதர்  நமக்காக  விளக்கி நம்மையும் செய்ய வைக்க விருக்கிறார்.  நாம் தர்ப்பணம் செய்து நமது பாவங்களை முற்றிலுமாக கரைத்துவிடலாம்.
பல ஆண்டுகளாக மூதாதையர்களை நினைக்கத் தவறியவர்கள், மகாரிஷி ஶ்ரீ ஈஸ்வரபட்டர் நினைவாக நடைபெறும் கிரிவல நிகழ்ச்சியில் கலந்து கொண்டாலே,  ஆண்டு முழுவதும் தர்ப்பணம் செய்ததற்கு சமம் என்பது  சிவனடியார்களின் வாக்கு. ஆடி மாதம் கழுகுமலையில் சித்தர்களின் வருகைகள் அதிகமாக இருக்கும், இந்த புண்ணிய பூமியில் இன்னும் மனிதர்களின் கண்ணில் அகப்படாமல்  பல ஜீவசமாதிகள் உள்ளன. அந்த மகான்களின் ஆசியும் இந்த வேலையில் அதிகமாக வெளிப்படும்.   அவர்களை வரவேற்கவே  ஆடி அமாவாசையில் இந்த கிரிவலத்தினை நமது ஆன்மீக வழிகாட்டி குருநாதர் அய்யா சகஸ்ரவடுகர் அவர்கள் இறையருளால் நடத்தி வருகின்றார்கள். 




கழுகுமலை வரும் வழி 





குறிப்பு 

இந்த அமாவாசை நூற்றைம்பது ஆண்டுக்கு பின் வருவது மிகவும் சிறப்பு மிக்கது.மேலும் இந்த தினத்தில் பதினென் சித்தர்கள் சமணச் சான் ே றார்கள் கிரிவலம் வருவது ஐதீகம். 

நம் அய்யா சகஸ்ரவடுகர் வழிநடத்த நம் கர்மவினைகளை அழிக்கும்பெ ா  ருட்டு கழுகாசலமூர்த்தியின் திருவடி பணிந்து சகல நலம் பெறுவே ா மாக .!!

கிரிவலத்தில் கலந்து கொள்ள வரும் அனைத்து அன்பர்களும் மஞ்சள் நிற ஆடையுடன் கழுகாசமூர்த்தியின்  சன்னதியின் முன்பாக சரியாக 23.07.2017 அன்று காலை 10.30am அளவில் வந்து சேறுமாறு கனிவன்புடன்  கேட்டுக்கொள்கிறோம் .

குருநாதர் அய்யா சகஸ்ரவடுகர் அவர்கள் மற்றும் ஆன்மிகக்கடல் - ஆன்மிகஅரசு குழுமம் சார்பாக அனைவரையும் வரவேற்கிறோம். 

நலம் உண்டாகட்டும். 


ஓம் நற்பவி .....


ஓம் சிவ சிவ ஓம் !!!                            ஓம் ஈஸ்வரப்பட்டாய நமஹ                              ஓம் சிவ சிவ ஓம் !!!